| ᠤᠯᠤᠰ ᠣᠷᠣᠨ ᠠᠴᠠ ᠬᠦᠴᠦᠲᠡᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ ᠠᠮᠢ ᠠᠬᠤᠢ ᠶᠢ ᠬᠦᠴᠦᠯᠡᠨ ᠬᠠᠮᠠᠭᠠᠯᠠᠵᠤ | ᠰᠡᠷᠭᠦᠭᠡᠭᠰᠡᠨ ᠢᠶᠠᠷ ᠠᠮᠢ ᠠᠬᠤᠢ ᠢᠯᠡᠷᠬᠡᠢ ᠰᠡᠷᠭᠦᠵᠦ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠨᠢᠭᠡ ᠢᠯᠡᠷᠡᠯ ᠨᠢ ᠡᠪᠡᠰᠦ | ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠰᠠᠶᠢᠵᠢᠷᠠᠵᠤ ᠪᠠᠶᠢᠭᠠ ᠶᠢ ᠪᠢᠳᠠ ᠪᠦᠭᠦᠨ ᠬᠠᠷᠠᠵᠤ ᠪᠠᠶᠢᠨᠠ᠃ ᠭᠡᠪᠡᠴᠦ ᠨᠢᠭᠡ | ᠦᠵᠡᠭᠳᠡᠯ ᠢ ᠪᠠᠰᠠ ᠳᠤᠷᠠᠳᠤᠨ ᠭᠠᠷᠭᠠᠵᠤ ᠲᠠᠶᠢᠯᠪᠤᠷᠢᠯᠠᠵᠤ ᠤᠬᠠᠭᠤᠯᠬᠤ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ ᠮᠡᠲᠦ᠂ ᠶᠠᠭᠤ | ᠪᠤᠢ︖ ᠭᠡᠪᠡᠯ ᠡᠮᠲᠦ ᠤᠷᠭᠤᠮᠠᠯ᠂ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠡᠮ ᠳᠤ ᠣᠷᠣᠳᠠᠭ ᠤᠷᠭᠤᠮᠠᠯ ᠢ ᠵᠠᠷᠢᠮ ᠬᠥᠮᠥᠰ | ᠨᠢᠭᠤᠴᠠ ᠪᠠᠷ᠂ ᠡᠷᠦᠢ ᠬᠤᠷᠤᠢ ᠦᠭᠡᠢ ᠮᠠᠯᠲᠠᠵᠤ ᠦᠭᠲᠡᠭᠡᠭᠡᠳ ᠪᠠᠶᠢᠨᠠ᠃ | ᠲᠡᠭᠡᠭᠦᠯᠡᠷ ᠤᠤᠯ ᠳᠠᠭᠠᠨ ᠮᠠᠨ ᠤ ᠨᠤᠲᠤᠭ ᠤᠨ ᠠᠯᠢ ᠠᠯᠢ ᠤᠷᠭᠤᠮᠠᠯ ᠡᠮ ᠳᠤ ᠣᠷᠣᠳᠠᠭ ᠭᠡᠵᠦ | ᠣᠮᠣᠭᠰᠢᠵᠤ ᠬᠥᠭᠡᠷᠳᠡᠭ ᠪᠠᠶᠢᠭᠰᠠᠨ ᠪᠣᠯ ᠤᠳᠤ ᠬᠠᠷᠢᠨ ᠬᠥᠮᠥᠰ ︽ᠨᠢᠭᠤᠵᠤ ᠬᠠᠪᠴᠢᠭᠠᠳ︾ ᠲᠠᠭᠤ ᠦᠭᠡᠢ | ᠰᠡᠮᠡᠭᠡᠷ ᠪᠠᠶᠢᠳᠠᠭ ᠪᠣᠯᠵᠠᠢ᠃ ᠤᠴᠢᠷ ᠨᠢ ᠡᠮ ᠳᠤ ᠣᠷᠣᠳᠠᠭ ᠰᠠᠶᠢᠨ ᠶᠠᠭᠤᠮᠠ ᠭᠡᠰᠡᠨ ᠢ ᠨᠢ ᠤᠯᠠᠨ ᠬᠥᠮᠥᠨ | ᠮᠡᠳᠡᠴᠢᠬᠡᠪᠡᠯ ᠠᠯᠢ ᠨᠢᠭᠡ ᠨᠢ ᠰᠥᠨᠢ ᠪᠠᠷ ᠢᠷᠡᠭᠡᠳ ᠪᠤᠶᠤ ᠠᠯᠢ ᠨᠢᠭᠡ ᠴᠠᠭ ᠢᠶᠠᠷ ᠨᠢ ᠬᠥᠮᠥᠰ ᠢ ᠮᠡᠳᠡᠬᠦ ᠦᠭᠡᠢ | ᠪᠠᠶᠢᠬᠤ ᠳᠤᠨᠢ ᠰᠡᠮᠡᠭᠡᠷ ᠦᠨᠳᠦᠰᠦ ᠲᠠᠢ ᠨᠢ ᠦᠭᠲᠡᠭᠡᠵᠦ ᠤᠭ ᠢᠶᠠᠷ ᠨᠢ ᠮᠠᠯᠲᠠᠵᠤ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ | ᠪᠠᠶᠢᠳᠠᠭ ᠠᠵᠢ᠃ ᠮᠢᠨᠤ ᠦᠵᠡᠬᠦ ᠪᠠᠷ᠂ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷ ᠤᠨ ᠬᠢᠨ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠ ᠪᠠᠨ | ᠴᠢᠩᠭᠠᠳᠬᠠᠬᠤ ᠠᠴᠠ ᠭᠠᠳᠠᠨᠠ᠂ ᠲᠠᠶᠢᠯᠪᠤᠷᠢᠯᠠᠵᠤ ᠤᠬᠠᠭᠤᠯᠬᠤ ᠠᠵᠢᠯ ᠢ ᠴᠤ ᠰᠠᠶᠢᠲᠤᠷ ᠬᠢᠪᠡᠯ ᠡᠨᠡ ᠦᠵᠡᠭᠳᠡᠯ ᠢ | ᠬᠤᠷᠢᠭᠯᠠᠬᠤ ᠳᠤ ᠲᠤᠰᠠᠲᠠᠢ ᠭᠡᠵᠦ ᠪᠤᠳᠤᠵᠦ ᠪᠠᠶᠢᠨᠠ᠃ | ᠡᠩ ᠲᠡᠷᠢᠭᠦᠨ ᠳᠤ᠂ ᠡᠮ ᠢ ᠶᠠᠮᠠᠷ ᠴᠤ ᠭᠡᠮ ᠦᠭᠡᠢ᠂ ᠤᠴᠢᠷ ᠰᠢᠯᠲᠠᠭᠠᠨ ᠦᠭᠡᠢ ᠪᠣᠯ ᠳᠤᠷᠠ ᠪᠠᠷ | ᠤᠤᠭᠤᠵᠤ ᠪᠤᠯᠳᠠᠭ ᠦᠭᠡᠢ ᠲᠠᠢ ᠠᠳᠠᠯᠢᠬᠠᠨ᠂ ᠡᠮ ᠳᠤ ᠣᠷᠣᠳᠠᠭ ᠤᠷᠭᠤᠮᠠᠯ ᠢ ᠪᠠᠰᠠ ᠤᠴᠢᠷ ᠰᠢᠯᠲᠠᠭᠠᠨ ᠦᠭᠡᠢ | ᠪᠣᠯ ᠳᠤᠷᠠ ᠪᠠᠷ ᠢᠳᠡᠵᠦ ᠪᠤᠯᠳᠠᠭ ᠦᠭᠡᠢ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ᠂ ᠮᠠᠨ ᠤ ᠨᠤᠲᠤᠭ ᠲᠤ ᠰᠢᠬᠢᠷ ᠡᠪᠡᠰᠦ | ᠤᠷᠭᠤᠳᠠᠭ᠂ ᠭᠡᠪᠡᠴᠦ ᠨᠤᠲᠤᠭ ᠤᠨ ᠬᠥᠮᠥᠰ ᠰᠢᠬᠢᠷ ᠡᠪᠡᠰᠦ ᠶᠢ ᠡᠮ ᠳᠤ ᠣᠷᠣᠳᠠᠭ ᠭᠡᠳ ᠶᠡᠷᠦ ᠠᠴᠠ ᠡᠷᠦᠢ | ᠬᠤᠷᠤᠢ ᠦᠭᠡᠢ᠂ ᠳᠤᠷᠠ ᠪᠠᠷ ᠬᠡᠷᠡᠭᠯᠡᠳᠡᠭ ᠦᠭᠡᠢ ᠶᠤᠮ᠂ ᠰᠢᠳᠤ ᠬᠠᠪᠤᠩᠨᠠᠵᠤ ᠬᠥᠭᠡᠷᠬᠦ᠂ ᠡᠰᠡᠪᠡᠯ ᠢᠰᠢᠭᠡ | ᠬᠤᠷᠠᠭᠠ ᠠᠮᠠᠷᠠᠤᠲᠤᠵᠤ ᠬᠠᠯᠠᠭᠤᠳᠠᠬᠤ ᠦᠶᠡᠰ ᠰᠠᠶ᠋ᠢ ᠰᠢᠬᠢᠷ ᠡᠪᠡᠰᠦ ᠶᠢ ᠤᠰᠤᠨ ᠳᠤ ᠴᠢᠨᠠᠵᠤ ᠪᠤᠴᠠᠯᠭᠠᠭᠠᠳ | ᠰᠥᠮᠥᠰᠤ ᠶᠢ ᠨᠢ ᠤᠤᠭᠤᠵᠤ ᠤᠰᠤᠯᠠᠵᠤ ᠬᠠᠯᠠᠭᠤᠨ ᠢ ᠨᠢ ᠲᠠᠭᠤᠳᠠᠭ ᠪᠢᠯᠡ᠃ ᠬᠡᠷᠪᠡ ᠡᠷᠡᠭᠦᠯ ᠬᠥᠮᠥᠨ ᠶᠠᠮᠠᠷ ᠴᠤ | ᠤᠴᠢᠷ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠰᠢᠬᠢᠷ ᠡᠪᠡᠰᠦ ᠶᠢ ᠬᠡᠷᠡᠭᠯᠡᠪᠡᠯ ᠭᠡᠳᠡᠷᠭᠦ ᠴᠠᠭᠠᠨ ᠮᠢᠬᠠ ᠭᠠᠷᠬᠤ᠂ ᠪᠡᠶᠡ ᠰᠡᠷᠢᠭᠦᠳᠡᠬᠦ | ᠮᠡᠲᠦ ᠬᠡᠪ ᠤᠨ ᠪᠤᠰᠤ ᠢᠯᠡᠷᠡᠯ ᠲᠠᠢ ᠪᠣᠯᠵᠤ ᠡᠪᠡᠳᠴᠢᠨ ᠣᠯᠬᠤ ᠳᠤ ᠬᠦᠷᠬᠦ ᠪᠣᠯᠣᠨᠠ᠃ ᠭᠡᠲᠡᠯᠡ ᠤᠳᠤ ᠨᠡᠶᠢᠭᠡᠮ | ᠳᠡᠭᠡᠷᠡ ᠵᠠᠷᠢᠮ ᠬᠤᠭᠤᠯᠠᠨ ᠭᠡᠷ ᠬᠠᠯᠠᠭᠤᠨ ᠲᠣᠭᠤᠭᠠ᠂ ᠬᠤᠭᠤᠯᠠ ᠪᠤᠳᠠᠭᠠ ᠳᠣᠲᠣᠷᠠ ᠪᠠᠨ ᠣᠷᠬᠤᠳᠠᠢ᠂ ᠬᠤᠨᠴᠢᠷ | ᠵᠡᠷᠭᠡ ᠡᠮ ᠳᠤ ᠣᠷᠣᠳᠠᠭ ᠤᠷᠭᠤᠮᠠᠯ ᠢ ᠬᠢᠴᠢᠬᠡᠭᠰᠡᠨ ᠪᠠᠶᠢᠬᠤ ᠬᠠᠷᠠᠭᠳᠠᠳᠠᠭ ᠪᠥᠭᠡᠳ ᠲᠠᠮᠢᠷ ᠨᠥᠬᠦᠵᠦ ᠪᠡᠶᠡ | ᠰᠠᠶᠢᠵᠢᠷᠠᠭᠤᠯᠤᠨᠠ᠂ ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠭᠡᠵᠦ ᠦᠯᠢᠶᠡᠵᠦ ᠬᠥᠭᠡᠷᠴᠦ ᠪᠠᠶᠢᠳᠠᠭ᠃ ᠦᠨᠡᠨ ᠳᠡᠭᠡᠨ ᠪᠡᠶᠡ ᠲᠠᠮᠢᠷ | ᠲᠤᠷᠤᠢ ᠬᠥᠮᠥᠨ ᠢᠳᠡᠬᠦ ᠳᠤ ᠰᠠᠶᠢᠨ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ᠂ ᠭᠡᠪᠡᠴᠦ ᠡᠷᠡᠭᠦᠯ ᠬᠥᠮᠥᠨ ᠪᠠᠶᠢᠩᠭᠤ ᠤᠯᠠᠨ ᠢᠳᠡᠬᠦ | ᠶᠤᠮ ᠪᠣᠯ ᠪᠡᠶᠡ ᠶᠢ ᠲᠡᠩᠬᠡᠷᠡᠭᠦᠯᠬᠦ ᠪᠢᠰᠢ᠂ ᠬᠠᠷᠢᠨ ᠭᠡᠳᠡᠷᠭᠦ ᠪᠡᠶᠡ ᠶᠢᠨ ᠲᠡᠩᠴᠡᠭᠦᠷᠢ ᠶᠢ ᠡᠪᠳᠡᠵᠦ᠂ ᠬᠤᠣᠷ | ᠪᠣᠯᠬᠤ ᠳᠤ ᠭᠦᠷᠦᠨᠠ᠃ ᠤᠴᠢᠷ ᠨᠢ᠂ ᠡᠪᠡᠳᠴᠢᠨ ᠣᠷᠣᠯᠠ ᠭᠡᠰᠡᠨ ᠨᠢ ᠪᠡᠶᠡ ᠰᠡᠷᠢᠭᠦᠳᠡᠬᠦ ᠶᠤᠮ ᠤᠤ᠂ ᠲᠠᠮᠢᠷ | ᠳᠣᠷᠦ᠋ᠢᠲᠠᠬᠤ ᠭᠡᠬᠦ ᠮᠡᠲᠦ ᠪᠠᠷ ᠪᠡᠶᠡ ᠶᠢᠨ ᠶᠠᠮᠠᠷ ᠨᠢᠭᠡᠨ ᠲᠡᠩᠴᠡᠭᠦᠷᠢ ᠨᠢ ᠠᠯᠳᠠᠭᠳᠠᠪᠠ ᠭᠡᠰᠡᠨ ᠦᠭᠡ ᠪᠣᠯᠬᠤ | ᠪᠥᠭᠡᠳ ᠡᠮ ᠤᠤᠭᠤᠵᠤ ᠡᠪᠡᠳᠴᠢᠨ ᠢᠶᠠᠨ ᠡᠳᠡᠭᠡᠭᠡᠨᠡ ᠭᠡᠰᠡᠨ ᠨᠢ ᠡᠮ ᠢᠶᠠᠷ ᠡᠨᠡ ᠬᠦ ᠲᠡᠩᠴᠡᠭᠦᠷᠢ ᠶᠢ ᠰᠡᠷᠭᠦᠭᠡᠵᠦ | ᠲᠡᠭᠰᠢᠯᠡᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠢᠯᠡ᠃ | ᠳᠠᠷᠠᠭᠠᠯᠠᠪᠠᠯ᠂ ᠡᠮ ᠳᠤ ᠣᠷᠣᠳᠠᠭ ᠤᠷᠭᠤᠮᠠᠯ ᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠲᠡᠭᠦᠳᠡᠭ ᠦᠭᠡᠢ ᠶᠤᠮ᠃ ᠵᠠᠷᠢᠮ | ᠤᠷᠭᠤᠮᠠᠯ ᠤᠨ ᠦᠷᠡ ᠨᠢ ᠡᠮ ᠳᠤ ᠣᠷᠣᠳᠠᠭ ᠪᠣᠯ ᠵᠠᠷᠢᠮ ᠤᠷᠭᠤᠮᠠᠯ ᠤᠨ ᠡᠰᠢ ᠨᠢ ᠡᠮ ᠤᠨ ᠣᠷᠣᠨᠠ᠂ ᠵᠠᠷᠢᠮ | ᠤᠷᠭᠤᠮᠠᠯ ᠤᠨ ᠦᠨᠳᠦᠰᠦ ᠨᠢ ᠡᠮ ᠳᠤ ᠣᠷᠣᠨᠠ᠂ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠶᠠᠭᠤ ᠨᠢ ᠡᠮ ᠳᠤ ᠣᠷᠣᠳᠠᠭ ᠭᠡᠰᠡᠨ | ᠠᠰᠠᠭᠤᠳᠠᠯ ᠪᠤᠢ᠃ ᠬᠡᠷᠪᠡ ᠦᠷᠡ ᠨᠢ ᠡᠮ ᠳᠤ ᠣᠷᠣᠳᠠᠭ ᠤᠷᠭᠤᠮᠠᠯ ᠢ ᠬᠥᠷᠥᠰᠥᠨ ᠠᠴᠠ ᠤᠷᠭᠤᠵᠤ ᠭᠠᠷᠤᠭᠠᠳ | ᠳᠡᠮᠡᠢ ᠤᠳᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤᠨᠢ ᠦᠨᠳᠦᠰᠦ ᠲᠠᠢ ᠨᠢ ᠦᠭᠲᠡᠭᠡᠭᠡᠳ ᠠᠪᠴᠢᠬᠠᠬᠤ ᠶᠤᠮ ᠪᠣᠯ ᠡᠨᠡ ᠨᠢ ᠶᠠᠮᠠᠷ | ᠬᠡᠷᠡᠭ ᠪᠣᠯᠬᠤ ᠪᠢᠯᠡ⁈ | ᠲᠠᠭᠢᠭᠠᠳ ᠬᠡᠯᠡᠪᠡᠯ᠂ ᠶᠠᠮᠠᠷ ᠴᠠᠭ ᠤᠯᠠᠷᠢᠯ ᠳᠤ ᠲᠡᠭᠦᠬᠦ ᠪᠣᠯᠬᠤ ᠭᠡᠰᠡᠨ ᠠᠰᠠᠭᠤᠳᠠᠯ ᠪᠤᠢ᠂ ᠪᠠᠰᠠ ᠥᠯᠭᠡ | ᠡᠭᠡᠪᠦᠷ ᠭᠠᠵᠠᠷ ᠠᠴᠠ ᠲᠡᠭᠦᠬᠦ ᠤᠤ᠂ ᠠᠭᠤᠯᠠᠨ ᠤ ᠠᠷᠤ ᠰᠡᠭᠦᠳᠡᠷ ᠭᠠᠵᠠᠷ ᠠᠴᠠ ᠲᠡᠭᠦᠬᠦ ᠤᠤ᠂ ᠲᠡᠭᠦᠭᠰᠡᠨ ᠤ | ᠲᠠᠷᠠᠭᠠ ᠨᠠᠷᠠ ᠲᠤᠰᠬᠤ ᠦᠭᠡᠢ ᠰᠡᠭᠦᠳᠡᠷ ᠭᠠᠵᠠᠷ ᠬᠠᠳᠠᠭᠠᠬᠤ ᠤᠤ᠂ ᠡᠰᠡᠪᠡᠯ ᠥᠭᠡᠷᠡ ᠶᠠᠮᠠᠷ ᠭᠠᠵᠠᠷ ᠶᠠᠭᠠᠬᠢᠵᠤ | ᠬᠠᠳᠠᠭᠠᠬᠤ ᠪᠤᠢ ᠭᠡᠬᠦ ᠮᠡᠲᠦ ᠶᠢᠨ ᠠᠩᠬᠠᠷᠬᠤ ᠨᠠᠷᠢᠨ ᠵᠦᠢᠯ ᠤᠯᠠᠨ ᠪᠤᠢ᠃ ᠶᠡᠷᠦ ᠨᠢ ᠪᠢᠳᠠ ᠮᠡᠳᠡᠬᠦ ᠦᠭᠡᠢ ᠪᠣᠯ | ᠥᠪᠡᠷᠰᠡᠳ ᠢᠶᠠᠨ ᠪᠢᠰᠢ᠂ ᠮᠡᠷᠭᠡᠵᠢᠯ ᠤᠨ ᠬᠥᠮᠥᠨ ᠳᠤ ᠨᠠᠶᠢᠳᠠᠪᠠᠯ ᠬᠠᠮᠤᠭ ᠤᠨ ᠰᠠᠶᠢᠨ ᠴᠠᠭ ᠤᠯᠠᠷᠢᠯ ᠳᠤᠨᠢ ᠶᠠᠭ | ᠦᠨᠡᠨ ᠮᠥᠨ ᠰᠠᠶᠢᠨ ᠶᠠᠭᠤᠮᠠ ᠶᠢ ᠨᠢ ᠲᠡᠭᠦᠵᠦ᠂ ᠬᠠᠮᠤᠭ ᠤᠨ ᠬᠦᠴᠦᠲᠡᠢ ᠰᠠᠶᠢᠨ ᠡᠮ ᠨᠠᠶᠢᠷᠠᠭᠤᠯᠵᠤ ᠭᠠᠷᠭᠠᠪᠠᠯ | ᠥᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠠᠰᠢᠭᠯᠠᠵᠤ ᠦᠢᠯᠡᠴᠢᠯᠡᠭᠦᠯᠵᠦ ᠴᠢᠳᠠᠬᠤ ᠪᠥᠭᠡᠳ ᠪᠥᠭᠡᠳ ᠠᠮᠢ ᠠᠬᠤᠢ᠂ ᠪᠠᠶᠢᠭᠠᠯᠢ | ᠣᠷᠴᠢᠨ ᠢᠶᠠᠨ ᠪᠠᠰᠠ ᠰᠠᠶᠢᠲᠤᠷ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠪᠣᠯᠣᠨᠠ᠃ | |