| ︽ᠤᠲᠤᠭᠠ ᠦᠭᠡᠢ ᠳᠠᠶᠢᠨ᠂ ᠴᠢᠰᠤ ᠦᠭᠡᠢ ᠪᠠᠶᠢᠯᠳᠤᠭᠠᠨ︾ ᠭᠡᠳᠡᠭᠴᠢᠯᠡᠨ᠂ ᠰᠢᠲᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ | ᠭᠡᠵᠦ ᠬᠠᠷᠠᠬᠤ ᠳᠤ ᠨᠠᠮᠵᠢᠭᠤᠨ ᠲᠠᠶᠢᠪᠤᠩ ᠪᠤᠯᠪᠠᠴᠤ ᠦᠨᠡᠨᠳᠡᠭᠡᠨ ᠲᠡᠷᠡ ᠨᠢ ᠰᠢᠲᠠᠷᠠᠴᠢᠳ ᠢᠯᠳᠦ ᠪᠠᠨ ᠰᠤᠭᠤᠯᠵᠤ | ᠨᠤᠮᠤ ᠪᠠᠨ ᠳᠡᠯᠡᠭᠰᠡᠨ ᠬᠤᠷᠴᠠ ᠰᠢᠷᠦᠭᠦᠨ ᠥᠷᠢᠰᠦᠯᠳᠦᠭᠡᠨ ᠪᠤᠯᠬᠤ ᠶᠤᠮ᠃ ᠡᠶᠢᠮᠦᠷᠬᠦᠦ ᠬᠤᠷᠴᠠ | ᠰᠢᠷᠦᠭᠦᠨ︽ᠪᠠᠶᠢᠯᠳᠤᠭᠠᠨ︾ ᠢ ᠡᠵᠡᠮᠳᠡᠨ ᠵᠠᠬᠢᠷᠴᠤ᠂ ᠬᠡᠨ ᠠᠴᠠ ᠴᠦ ᠰᠦᠷᠳᠡᠬᠦ ᠦᠭᠡᠢ ᠪᠤᠲᠠ ᠪᠤᠭ ᠨᠤᠭᠤᠳ ᠢᠶᠠᠨ | ᠲᠣᠭᠯᠠᠭᠤᠯᠵᠤ ᠶᠠᠪᠤᠭᠠ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠲᠠᠢ ᠬᠠᠶᠢᠷᠬᠠᠨ ᠥᠬᠢᠨ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠰᠢᠲᠠᠷᠠᠴᠢᠨ ᠤ | ᠬᠢᠷᠢ ᠭᠡᠮ ᠢ ᠣᠯᠣᠭᠰᠠᠨ ᠮᠥᠷᠲᠡᠭᠡᠨ ᠥᠪᠥᠷ ᠮᠣᠩᠭᠤᠯ ᠢ ᠲᠥᠯᠥᠭᠡᠯᠡᠨ ᠪᠦᠭᠦ ᠤᠯᠤᠰ ᠤᠨ ᠣᠶᠤᠨ ᠤ ᠲᠠᠮᠢᠷ ᠤᠨ | ᠴᠤᠭᠯᠠᠭᠠᠨ ᠳᠤ ᠴᠦ ᠣᠷᠣᠯᠴᠠᠵᠤ ᠶᠠᠪᠤᠯᠠ᠃ | ᠬᠠᠶᠢᠷᠬᠠᠨ ᠪᠣᠯ ᠤᠷᠠᠳ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠮᠤᠨᠠ ᠠᠭᠤᠯᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠵᠢᠷᠭᠤᠳᠤᠭᠠᠷ ᠣᠨ ᠤ ᠰᠤᠷᠤᠬᠴᠢ᠂ 6 ᠨᠠᠰᠤᠨ ᠠᠴᠠ ᠪᠠᠨ ᠰᠢᠲᠠᠷᠠ ᠳᠤ ᠳᠤᠷᠠ ᠰᠣᠨᠢᠷᠬᠠᠯ ᠲᠠᠢ ᠪᠣᠯᠵᠤ᠂ | ᠰᠢᠲᠠᠷᠠ ᠲᠠᠢ ᠲᠠᠨᠢᠯᠴᠠᠨ᠂ ᠰᠢᠲᠠᠷᠠ ᠶᠢᠨ ᠪᠦᠲᠦᠴᠡ ᠪᠦᠷᠢᠯᠳᠦᠯ᠂ ᠰᠢᠲᠠᠷᠠ ᠶᠢᠨ ᠶᠠᠪᠤᠴᠠ᠂ ᠨᠠᠭᠠᠳᠬᠤ ᠠᠷᠭᠠ ᠳᠡᠮ᠂ | ᠨᠠᠭᠠᠳᠤᠮ ᠤᠨ ᠳᠦᠷᠢᠮ ᠭᠤᠷᠢᠮ᠂ ᠡᠰᠡᠷᠭᠦ ᠡᠲᠡᠭᠡᠳ ᠢᠶᠠᠨ ᠶᠠᠭᠠᠬᠢᠵᠤ ᠢᠯᠠᠬᠤ ᠵᠡᠷᠭᠡ ᠲᠠᠯᠠ ᠪᠠᠷ ᠰᠤᠷᠴᠤ ᠡᠬᠢᠯᠡᠭᠰᠡᠨ | ᠪᠠᠶᠢᠨᠠ᠃ ᠰᠢᠲᠠᠷᠠ ᠶᠢᠨ ᠦᠨᠳᠦᠰᠦᠨ ᠮᠡᠷᠭᠡᠵᠢᠯ ᠢ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠬᠤ ᠶᠢᠨ ᠲᠥᠯᠥᠭᠡ᠂ ᠲᠡᠷᠡ | ᠠᠮᠠᠷᠠᠯᠲᠠᠶᠢᠨ ᠵᠠᠪ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ᠂ ᠤᠷᠢᠳ ᠬᠤᠵᠢᠳ ᠮᠣᠩᠭᠤᠯ ᠤᠯᠤᠰ᠂ ᠭᠦᠭᠡᠬᠤᠳᠠ᠂ ᠪᠤᠭᠤᠲᠤ ᠵᠡᠷᠭᠡ | ᠭᠠᠵᠠᠷ ᠲᠤ ᠬᠦᠷᠴᠦ ᠣᠯᠠᠨ ᠤᠯᠤᠰ ᠤᠨ ᠰᠢᠲᠠᠷᠠ ᠶᠢ ᠰᠤᠷᠤᠯᠴᠠᠵᠤ ᠶᠠᠪᠤᠵᠠᠢ᠃ 2019 ᠣᠨ ᠤ 11 ᠰᠠᠷᠠ ᠶᠢᠨ | 3 ᠤ ᠡᠳᠦᠷ᠂ ᠤᠷᠠᠳ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨᠳᠤ ᠣᠯᠠᠨ ᠤᠯᠤᠰ ᠤᠨ ᠰᠢᠲᠠᠷᠠ ᠶᠢᠨ ᠺᠯᠦ᠋ᠪ ᠪᠠᠶᠢᠭᠤᠯᠤᠭᠳᠠᠭᠰᠠᠨ | ᠨᠢ ᠬᠠᠶᠢᠷᠬᠠᠨ ᠳᠤ ᠮᠠᠰᠢ ᠰᠠᠶᠢᠨ ᠲᠦᠭᠦᠮ ᠨᠥᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠦᠨ ᠥᠭᠴᠦ᠂ ᠡᠳᠡᠭᠡᠷ ᠰᠤᠷᠤᠯᠴᠠᠯᠭᠠ ᠪᠠ | ᠨᠥᠬᠦᠴᠡᠯ ᠨᠢ ᠬᠠᠶᠢᠷᠬᠠᠨ ᠤ ᠬᠤᠵᠢᠮ ᠤᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨᠳᠤ ᠤᠷᠤᠯᠴᠠᠵᠦ᠂ ᠠᠮᠵᠢᠯᠲᠠ ᠣᠯᠬᠤ ᠳᠤ ᠨᠢ | ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠶᠤᠮ᠃ | ᠬᠥᠮᠥᠨ ᠦᠷᠭᠦᠯᠵᠢ ᠤᠷᠮᠠ ᠪᠠᠬᠠ᠂ ᠳᠤᠷᠠ ᠰᠣᠨᠢᠷᠬᠠᠯ ᠳᠤ ᠪᠠᠨ ᠤᠷᠮᠠᠰᠢᠨ ᠬᠥᠲᠥᠯᠥᠭᠳᠡᠵᠦ᠂ ᠣᠢ ᠤᠬᠠᠭᠠᠨ᠂ | ᠤᠶᠢᠭᠠ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠪᠠᠷ ᠠᠮᠵᠢᠯᠲᠠ ᠳᠤ ᠭᠦᠷᠳᠡᠭ᠃ ᠬᠠᠶᠢᠷᠬᠠᠨ ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ ᠰᠢᠲᠠᠷᠠ | ᠲᠣᠭᠯᠠᠭᠠᠮ ᠳᠤ ᠤᠶᠢᠭᠠ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠭᠠᠷᠭᠠᠵᠤ᠂ ᠣᠶᠤᠨ ᠤᠬᠠᠭᠠᠨ᠂ ᠬᠦᠴᠦ ᠭᠦᠳᠡᠯᠮᠦᠷᠢ ᠪᠠᠨ | ᠵᠣᠷᠢᠭᠤᠯᠵᠤ ᠶᠠᠪᠤᠭᠰᠠᠨ ᠢᠶᠠᠷ ᠢᠶᠠᠨ 2019 ᠣᠨ ᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠲᠥᠯᠥᠭᠡᠯᠡᠨ᠂ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠤ ᠰᠢᠲᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠭᠠᠳ ᠭᠤᠳᠠᠭᠠᠷᠯᠠᠵᠦ᠂ | 2020 ᠣᠨ ᠳᠤ ᠪᠦᠭᠦ ᠣᠷᠣᠨ ᠤ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠪᠦᠭᠦ ᠠᠷᠠᠳ ᠤᠨ ᠪᠡᠶᠡ | ᠴᠢᠭᠢᠷᠠᠭᠵᠢᠭᠤᠯᠬᠤ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠤ ᠰᠢᠲᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠪᠠ᠃ 2023 ᠣᠨ ᠳᠤ | ᠰᠢᠭᠰᠢᠭᠡ ᠤᠷᠤᠯᠳᠤᠭᠠᠨ ᠤ ᠬᠤᠶᠠᠳᠤᠭᠠᠷ ᠨᠡᠷᠡᠰ ᠢᠶᠠᠷ ᠪᠦᠭᠦ ᠤᠯᠤᠰ ᠤᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠤᠶᠦᠨ ᠤ | ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠳᠤ ᠣᠷᠤᠯᠴᠠᠬᠤ ᠬᠢᠷᠢ ᠭᠡᠮ ᠢ ᠣᠯᠵᠤ᠂ 10 ᠰᠠᠷᠠ ᠶᠢᠨ 25 ᠤ ᠡᠳᠦᠷ ᠠᠴᠠ 11 | ᠰᠠᠷᠠ ᠶᠢᠨ 4 ᠤ ᠡᠳᠦᠷ ᠪᠤᠯᠲᠠᠯᠠ ᠠᠨᠾᠦ᠋ᠢ ᠮᠤᠵᠢ ᠶᠢᠨ ᠾᠧᠹᠧᠢ ᠬᠤᠳᠠ ᠳᠤ ᠶᠠᠪᠤᠭᠳᠠᠭᠰᠠᠨ ᠲᠤᠰ ᠤᠷᠤᠯᠳᠤᠭᠠᠨ | ᠳᠤ 25 ᠬᠢᠷᠢ ᠭᠡᠮ ᠬᠤᠷᠠᠮᠳᠤᠭᠤᠯᠤᠨ᠂ ᠣᠶᠤᠨ ᠤ ᠬᠤᠷᠴᠠ᠂ ᠤᠬᠠᠭᠠᠨ ᠤ ᠴᠠᠴᠠᠨ ᠢᠶᠠᠨ ᠤᠯᠠᠨ ᠳᠤ | ᠭᠠᠶᠢᠬᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽ᠬᠡᠦᠬᠡᠨ ᠤ ᠮᠢᠨᠢ ᠴᠢᠷᠮᠠᠶᠢᠯᠭᠠ ᠵᠢᠳᠬᠦᠯ ᠤᠨ ᠬᠠᠷᠢᠭᠤ ᠳᠤ ᠡᠶᠢᠮᠦ ᠰᠠᠶᠢᠬᠠᠨ ᠠᠮᠵᠢᠯᠲᠠ ᠣᠯᠵᠤ ᠪᠠᠶᠢᠭᠠ | ᠳᠤ ᠨᠢ ᠪᠢ ᠮᠠᠰᠢ ᠪᠠᠶᠠᠷᠲᠠᠢ ᠪᠠᠶᠢᠨᠠ᠃ ᠬᠠᠶᠢᠷᠬᠠᠨ ᠢ ᠵᠠᠪᠠᠯ ᠮᠡᠷᠭᠡᠵᠢᠯ ᠤᠨ ᠰᠢᠲᠠᠷᠠᠴᠢᠨ ᠪᠣᠯᠭᠠᠶᠠ ᠭᠡᠵᠦ ᠵᠣᠷᠢᠭᠠ | ᠦᠭᠡᠢ᠂ ᠬᠡᠦᠬᠡᠨ ᠮᠢᠨᠢ ᠰᠢᠲᠠᠷᠠ ᠳᠤ ᠳᠤᠷᠠ ᠪᠠᠬᠠ ᠲᠠᠢ ᠪᠣᠯᠬᠤᠷ ᠨᠥᠬᠦᠴᠡᠯ ᠪᠣᠯᠣᠮᠵᠢ ᠶᠢ ᠨᠢ ᠪᠦᠷᠢᠯᠳᠦᠭᠦᠯᠵᠦ | ᠥᠭᠬᠦ ᠪᠠᠷ ᠯᠡ ᠴᠢᠷᠮᠠᠶᠢᠭᠰᠠᠭᠠᠷ ᠢᠷᠡᠵᠡᠢ᠃ ᠠᠵᠠ ᠲᠤᠭᠢᠶᠠᠯ ᠭᠡᠵᠦ ᠬᠡᠵᠢᠶᠡᠳᠡ ᠪᠡᠯᠡᠳᠬᠡᠯ ᠲᠠᠢ ᠬᠥᠮᠥᠨ ᠳᠤ | ᠰᠠᠭᠠᠲᠠᠳᠠᠭ ᠶᠤᠮ᠃ ᠰᠢᠲᠠᠷᠠ ᠶᠢᠨ ᠬᠥᠯᠭᠡᠨ ᠳᠡᠭᠡᠷᠡ ᠤᠷᠮᠠ ᠵᠣᠷᠢᠭ ᠠᠪᠴᠤ᠂ ᠤᠬᠠᠭᠠᠨ ᠰᠠᠮᠪᠠᠭᠠ ᠰᠤᠷᠴᠤ | ᠪᠠᠶᠢᠪᠠᠯ ᠪᠣᠯᠴᠢᠬᠠᠨᠠ᠂ ᠦᠷᠭᠦᠯᠵᠢᠯᠡᠨ ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠢᠶᠠᠨ ᠲᠤᠰᠠ ᠳᠡᠮᠵᠢᠯᠭᠡ ᠪᠣᠯᠣᠨᠠ︾ ᠭᠡᠵᠦ | ᠬᠠᠶᠢᠷᠬᠠᠨ ᠤ ᠡᠵᠢ ᠨᠢ ᠳᠣᠬᠳᠣᠯᠤᠩᠬᠠᠨ ᠶᠠᠷᠢᠨᠠ᠃ | |